Frequently Asked Questions

2. Sábháilteacht Dóiteáin

Cad í an Scéim Aláraim Deataigh Pobail?

Soláthraíonn an Scéim Aláraim Deataigh Pobail aláraim dheataigh saor in aisce do theaghlaigh leochaileacha. Clúdaíonn an Roinn an costas a bhaineann leis an aláram a cheannach agus clúdaítear gach costas eile go háitiúil. Chun tuilleadh eolais a fháil faoi conas iarraidh go bhfeisteofar aláram deataigh sa bhaile mar chuid den Scéim Aláraim Deataigh Pobail, déan teagmháil le do Sheirbhís Dóiteáin áitiúil.

Cé leis a ndéanfaidh mé teagmháil chun go bhfeisteofar aláram deataigh sa bhaile? Cé leis a ndéanfaidh mé teagmháil má bhíonn fadhb agam maidir le shuiteáil m’aláraim deataigh?

Ba cheart duit dul i dteagmháil le do Sheirbhís Dóiteáin áitiúil má theastaíonn cúnamh uait chun aláram deataigh a fheistiú sa bhaile. Faoin Scéim Aláraim Deataigh Pobail, a sholáthraíonn aláraim dheataigh saor in aisce do theaghlaigh leochaileacha, d’fhéadfá a bheith incháilithe chun go bhfeisteofar aláram deataigh sa bhaile saor in aisce.

Cé mhéad aláram deataigh a theastaíonn uaim?

Ar mhaithe le cosaint uasta, aláram deataigh amháin in aghaidh an tseomra ach amháin an seomra folctha, an chistin agus an garáiste. Féadfar aláraim theasa a mheas sa chás go bhféadfadh múch ó chócaireacht nó deatach ó thoitíní nó ó thinte oscailte a bheith ina cúis le gníomhachtú aláraim nach dteastaíonn.

Chun cosaint íosta a fháil, aláram deataigh amháin do gach leibhéal/urlár do thí.

Cad is an tSeachtain um Shábháilteacht ó Dhóiteán ann?

Comhthionscnamh le Seirbhís Dóiteáin agus Tarrthála Thuaisceart Éireann is ea an tSeachtain Náisiúnta um Shábháilteacht ó Dhóiteán, a bhfuil sábháilteacht dóiteáin a fheabhsú, go háirithe sa bhaile, i gceist léi.

Is é Dóiteán Mór Chicago, a tharla ar an 8 Deireadh Fómhair 1871, atá mar fhréamhacha na Seachtaine Náisiúnta um Shábháilteacht ó Dhóiteán. D’fhógair iarUachtarán Mheiriceá, Calvin Coolidge, an chéad tSeachtain Náisiúnta um Chosc Dóiteáin in 1925 i gcuimhne orthu siúd a cailleadh sa dóiteán sin. Ó shin i leith, bíonn sí á coimeád go luath gach mí Dheireadh Fómhair i dtíortha ar fud an domhain.

De ghnáth bíonn an tSeachtain um Shábháilteacht ó Dhóiteán ar siúl i mí Mheán Fómhair nó i mí Dheireadh Fómhair.

3. Gairmeacha i Seirbhís Dóiteáin na hÉireann

Cá bhfaighidh mé folúntais reatha do Sheirbhís Dóiteáin na hÉireann? Cé leis a ndéanfaidh mé teagmháil chun tuilleadh eolais a fháil faoi ghairmeacha i Seirbhís Dóiteáin na hÉireann?

Is iad Údaráis Dóiteáin aonair a láimhseálann earcaíocht ar bhonn áitiúil do Sheirbhís Dóiteáin na hÉireann. Chun liosta a fháil de leathanaigh earcaíochta uile na nÚdarás Dóiteáin, tabhair cuairt ar an leathanach ‘Folúntais Reatha’. Chun tuilleadh eolais a fháil faoi ghairmeacha i do cheantar féin, molaimid teagmháil dhíreach a dhéanamh leis an údarás dóiteáin sa cheantar inar mian leat fostaíocht a lorg.